Donald Feeney var tekinn fastur á Íslandi árið 1993 fyrir ævintýralega klaufalegt barnarán, settur á Litla-Hraun, þaðan sem hann strauk og náðist síðan í Vestmannaeyjum á leið til Færeyja. Hann er eins konar Rambó, vann sig í álit með barnaránum og öðru smálegu og er nú kominn svo hátt í tilverunni, að hann rekur fyrirtækið CTU Consulting, sem bandaríski herinn hefur ráðið til að vinna ýmis skítverk í hernumdu Írak. Feeney hefur alltaf lifað gervilífi úr hazarbíómyndum og hefur nú fundið sér réttan vettvang í Írak, þar sem hann hefur menn af Litla-Hrauni í vinnu.