Ólafur Helgi Kjartansson er einn margra embættismanna, sem ekki eru starfi sínu vaxnir. Angi af andverðleika-þjóðfélaginu. Eins og forstjórar ýmissa stofnana, sem frægar hafa orðið á þessu ári. Forstjórar Umhverfisstofnunar, Útlendingastofnunar, Fangelsisstofnunar Umboðsmaður skuldara. Yfirmaður kynferðisbrotadeildar lögreglunnar í Reykjavík setti ofan í við Ólaf Helga. Þegar til er kvikmynd af ógeðshegðun bófa, vitnar maður ekki í klisjur lagatækna. Þá setur maður viðkomandi í gæzluvarðhald vegna almannahagsmuna. Ólafur Helgi fattar ekki. Hann er dæmigerður íslenzkur embættismaður.
