Alls engin sómatilfinning

Punktar

Davíð, Jónas, Geir, Ingibjörg. Yfirmenn Seðlabanka, Fjármálaeftirlits og ríkisstjórnin. Þetta fólk hefur enga sómatilfinningu. Biðst ekki einu sinni afsökunar á, að hafa sett þjóðina á hausinn. Þetta fólk sýnir enga iðrun, hefur enga auðmýkt. Það sér enga sök hjá sér. Davíð og Jónas áttu beinlínis að vera í vinnu við að hindra hrun, Geir og Ingibjörg áttu að stjórna landi. Þetta fólk telur sig þess umkomið að haga sér eins og ekkert hafi gerzt. Það er svartasta ábyrgðarleysi, sem ég hef séð í nútímasögu. Heil yfirstétt heils lands er ábyrgðarlaus með öllu og hefur alls enga sómatilfinningu.