Birna Einarsdóttir bankastjóri lagði í stæði fatlaðra við skautahöllina. Hún þurfti að gera það, því að hún þurfti að hjálpa stelpum úr skóm. Hún er ein af þeim, sem gerir það, sem hún þarf að gera, hvað sem lög og reglur segja. Ef upp um svona fólk kemst, segir það sorrí. Það sagði Birna. Svona er líka Hannes Smárason útrásarbófi. Lagði í stæði fatlaðra, því að hann þurfti. Um helgina skíðaði maður yfir keppnisbraut á Landsmóti og var næstum farinn um markið, þótt keppnismaður væri í brautinni. Maðurinn þurfti að komast þarna. Svona eru ótrúlega margir Íslendingar sjálfhverfir og einsýnir og gráðugir.
